زمین سرکنے سے ایک درجن سے زائد عالیشان مکانات زمین بوس

منگلا ڈیم سے ملحقہ علاقے میں زمین سرکنے سے ایک درجن سے زائد عالیشان مکانات زمین بوس ہو گئے۔
میرپور آزاد کشمیر منگلا ڈیم سے ملحقہ علاقے پوٹھہ بینسی میں زمین سرکنے سے ایک درجن سے زائد ایک ارب مالیت کے عالی شان مکانات زمین بوس ہو گئے ہیں مقامی رہائشیوں کا کہنا ہے کہ منگلا ڈیم میں پانی کی سطح بلند ہونے کے باعث مکانات زمین بوس ہوئے۔
میرپور شہر سے 10 کلو میٹر کے فاصلے پر واقع اوورسیز کشمیریوں کا گاؤں پوٹھہ بینسی میں زمین سرکنے سے 16 بڑے مکانات زمین بوس ہوئے ہیں، ملحقہ ابادی کے کئی ایک گھروں میں بھی دراڑیں پڑنا شروع ہو گئی ہیں، جب کہ گاؤں کی واحد میں سڑک بھی زمین بوس دھنس چکی ہے۔
کمشنر میرپور ڈویژن چوھدری مختار حسین نے متاثرہ علاقے کا دورہ کرنے کے بعد میڈیا سے گفتگو کرتے ہوئے کہا کہ گزشتہ رات منگلا ڈیم سے ملحقہ گاؤں کی زمین سرکنے کے باعث مکانات زمین بوس ہونے کا سلسلہ شروع ہوا، جو تا حال جاری ہے۔
دریائے چناب کے قادر آباد برج پر نو فشنگ ایریا میں بھارت سے آنے والی مچھلیوں کا غیر قانونی شکار
انھوں نے کہا کہ ایک اندازے کے مطابق اب تک ایک ارب روپے سے زائد مالیت کے مکانات تباہ ہو چکے ہیں، جب کہ گاؤں کی سڑک کی فوری تعمیر کے لیے احکامات جاری کر دیے گئے ہیں۔
متاثرہ گھروں کے مکینوں کی اکثریت برطانیہ میں آباد ہے، مقامی متاثرہ آبادی کے دیگر افراد اپنی مدد آپ کے تحت محفوظ مقامات پر منتقل ہو گئے ہیں۔