کراچی : طبی ماہرین نے پاکستانی تارکین وطن اور نوجوان کے ذہنی صحت کے خطرناک بحران میں مبتلا ہونے کا انکشاف کرتے ہوئے فوری کارروائی کا مطالبہ کردیا۔
تفصیلات کے مطابق آغا خان یونیورسٹی کے برین اینڈ مائنڈ انسٹی ٹیوٹ کی طرف سے میڈیا کے نمائندوں کے لئے ایک میڈیا راؤنڈ ٹیبل کی میزبانی کی گئی۔
جس میں پاکستانی تارکین وطن اور نوجوانوں میں ذہنی صحت کے ایک خطرناک بحران کو اجاگر کیا گیا۔
طبی ماہرین نے پالیسی سازوں پر زور دیا کہ وہ ذہنی صحت کی دیکھ بھال کو قومی اور مائیگریشن فریم ورک میں ضم کریں۔
ماہرین نے بتایا کہ ہجرت اکثر معاشی مشکلات، بے روزگاری، اور 2022 کے سیلاب جیسے موسمی حالات کے درمیان بقا کی حکمت عملی ہوتی ہے، جس نے 33 ملین افراد کو بے گھر کر دیا ہے۔
ڈاکٹر فلک مدھانی کا کہنا تھا کہ گزشتہ چار دہائیوں کے دوران 10 ملین سے زائد پاکستانی، جن میں زیادہ تر سندھ اور پنجاب کے دیہی علاقوں سے وابستہ افراد شامل ہیں، خلیج تعاون کونسل کے ممالک میں ہجرت کر چکے ہیں، اگرچہ ان کی ترسیلات زر پاکستان کی معیشت کو برقرار رکھتی ہیں، جس کی رقم تقریباً 1.2 بلین امریکی ڈالر ماہانہ ہے.
تاہم ایک اندازے کے مطابق 70فیصد واپس آنے والے تارکین وطن ذہنی پریشانی کا شکار ہیں، تارکین وطن کام کرنے والوں کو شدید گرمی، کام کے طویل اوقات، اور پرہجوم حالات زندگی کا سامنا ہے، جس سے ان میں ذہنی صحت کے مسائل جنم لے رہے ہیں۔
ان کا کہنا تھا ایسے افراد ” اپنے خاندان کی مالی توقعات کا بوجھ اٹھاتے ہیں لیکن روانگی سے پہلے، ملازمت کے دوران، یا گھر واپسی کے بعد دماغی صحت کی جانچ تک رسائی نہیں رکھتے۔
ڈاکٹر فوزیہ ربانی نے بتایا کہ 2021 میں 10-29 سال کی عمر کے بچوں میں سے 84فیصد سے زیادہ اموات کم اور درمیانی آمدنی والے ممالک سے ہوئیں جہاں دنیا کی اکثریتی آبادی رہتی ہے، “نوجوانوں کی ذہنی صحت کو بہتر بنانے کے لیے اجتماعی ذمہ داری کی ضرورت ہے،”
ڈاکٹر فوزیہ ربانی نے BMI میں عمل درآمد سائنسدان پر زور دیا کہ “ہمیں کمیونٹی کے نظام کو مضبوط کرنے، صنفی بنیاد پر تشدد سے نمٹنے، اور نوجوانوں میں لچک پیدا کرنے کے لیے معاون والدین کو فروغ دینے کی ضرورت ہے۔
ان کا کہنا تھا کہ آج کل کے نوجوانوں کو انفرادی طور پر نہیں چھوڑا جا سکتا۔”
گول میز پر ماہرین نے پالیسی اصلاحات، مضبوط دوطرفہ معاہدوں اور نقل مکانی کے تمام مراحل میں ذہنی صحت کی دیکھ بھال کے انضمام پر زور دیتے ہوئے کہا کہ نگہداشت کے تسلسل کو یقینی بنانے کے لیے ڈیجیٹل ہیلتھ ٹولز وقت کی اہم ضرورت ہیں
