کراچی: سندھ اسمبلی نے مالی سال 2026-27 کے لیے ساڑھے 3 ٹریلین روپے سے زائد کا بجٹ کثرتِ رائے سے منظور کر لیا، جبکہ سپلیمنٹری گرانٹس کی بھی منظوری دے دی گئی۔
وزیراعلیٰ سندھ مراد علی شاہ نے کہا کہ 344 ارب روپے کے خسارے کے باوجود حکومت نے تقریباً 100 ترقیاتی منصوبے مکمل کیے اور آئندہ مالی سال میں 1800 سے زائد منصوبے مکمل کیے جائیں گے۔
انہوں نے کہا کہ کراچی کی خراب سڑکوں کی بحالی کے لیے جامع منصوبہ تیار کر لیا گیا ہے، جس کے تحت کچھ منصوبے ایف ڈبلیو او جبکہ باقی حکومت مکمل کرے گی۔
وزیراعلیٰ نے مزید بتایا کہ پبلک پرائیویٹ پارٹنرشپ کے تحت کیٹی بندر کو جدید اقتصادی اور گرین انرجی نیٹ ورک کے طور پر ترقی دی جائے گی، جبکہ سانحہ گل پلازہ کی رپورٹ جلد عوام کے سامنے لائی جائے گی اور متاثرین کے لیے 8 ارب روپے کی سبسڈی بھی فراہم کی گئی ہے۔
