اسلام آباد: وفاقی وزیر اطلاعات عطا تارڑ نے کہا ہے کہ کراچی رینجرز کیمپ پر حالیہ دہشت گرد حملے کے بعد سیکیورٹی فورسز نے بھرپور جوابی کارروائی کرتے ہوئے مجموعی طور پر 29 دہشت گردوں کو ہلاک کر دیا۔
پریس کانفرنس میں انہوں نے بتایا کہ 28 اور 29 جون کی درمیانی شب انٹیلی جنس بیسڈ آپریشن کے دوران کالعدم تنظیموں کے ٹھکانوں کو نشانہ بنایا گیا، جس میں بھارتی پراکسی کے ایک کمانڈر سمیت چار دہشت گرد مارے گئے۔ ان کے مطابق سرحد پار پکتیا اور کنڑ میں فضائی کارروائیوں کے دوران دہشت گردوں کے تین اہم مراکز تباہ کیے گئے
جہاں مزید 25 دہشت گرد ہلاک ہوئے جبکہ اسلحہ اور گولہ بارود کا بڑا ذخیرہ بھی تباہ کر دیا گیا۔ عطا تارڑ کا کہنا تھا کہ پاکستان خطے میں امن کا خواہاں ہے، تاہم شہریوں کے جان و مال کے تحفظ پر کوئی سمجھوتہ نہیں کیا جائے گا۔
