لیفٹیننٹ کمانڈر حمزہ عابد شہید کی اہلیہ الویرا حمزہ نے کمانڈنٹ گولڈ میڈل حاصل کرنے کے بعد پاک بحریہ کے شعبۂ آئی ٹی میں شمولیت اختیار کر لی۔
الویرا حمزہ کا کہنا ہے کہ شوہر کی شہادت کے بعد ان کے اندر بھی پاک بحریہ میں شامل ہونے کا جذبہ پیدا ہوا اور آج اسی یونیفارم میں اسی مقام پر کھڑا ہونا ان کے لیے باعثِ فخر ہے۔ انہوں نے کہا کہ پاکستان نیول اکیڈمی میں گزارا گیا وقت یادگار رہا اور وہ ملک کی ہر لڑکی کو فورسز میں شمولیت کی ترغیب دیتی ہیں۔
انہوں نے مزید کہا کہ جذبات کو الفاظ میں بیان نہیں کیا جاسکتا، پاکستان نیول اکیڈمی میں بہت اچھا وقت گزرا، پاکستان کی ہرلڑکی کوکہنا چاہتی ہوں اگر میں ہمت کرسکتی ہوں تو آپ بھی فورسز میں آئیں۔
