اسلام آباد: بانی پی ٹی آئی عمران خان اور بشریٰ بی بی نے 190 ملین پاؤنڈ کیس میں سزا معطلی کی درخواست مسترد کیے جانے کے خلاف اسلام آباد ہائی کورٹ کا فیصلہ سپریم کورٹ میں چیلنج کر دیا ہے۔
درخواست میں مؤقف اختیار کیا گیا ہے کہ سزا معطلی کی درخواست مسترد کرنا انصاف کے تقاضوں کے منافی ہے اور مقدمے کے اہم قانونی نکات کو نظر انداز کیا گیا۔ درخواست گزاروں نے مؤقف اپنایا کہ دورانِ قید صحت کے سنگین مسائل، تنہائی میں قید اور نیب کی جانب سے بار بار التوا کے باعث انصاف میں تاخیر ہوئی۔
سپریم کورٹ سے استدعا کی گئی ہے کہ ہائی کورٹ کا فیصلہ کالعدم قرار دے کر سزا معطل کی جائے اور رہائی کا حکم جاری کیا جائے۔
