رکن قومی اسمبلی شیر افضل مروت نے حکومت اور اپوزیشن کے درمیان جاری مذاکرات کو برائے نام قرار دیتے ہوئے دعویٰ کیا ہے کہ فریقین کے درمیان اہم فیصلے پہلے ہی طے ہوچکے ہیں۔
شیر افضل مروت کے مطابق دونوں جانب سے مذاکرات کو کامیاب قرار دیا جائے گا، جبکہ پی ٹی آئی مارچ ملتوی کردے گی۔ ان کا کہنا تھا کہ حکومت بانی پی ٹی آئی کو اسپتال منتقل کرنے اور ملاقاتیں بحال کرنے سے متعلق پیش رفت کا بتائے گی۔
انہوں نے دعویٰ کیا کہ پی ٹی آئی مارچ کی تیاری میں نہیں اور موجودہ صورتحال سے اسے فیس سیونگ کا موقع مل جائے گا۔ شیر افضل مروت نے مزید کہا کہ مارچ ملتوی ہونے کے بعد حکومت پی ٹی آئی کے مطالبات کو نظرانداز کردے گی۔
