پاکستان کے انسداد پولیو پروگرام کیلیے ملین ڈالر گرانٹ کا اعلان

جاپان کی جانب سے پاکستان کے انسداد پولیو پروگرام کیلیے 3.5 ملین ڈالر گرانٹ کا اعلان کر دیا گیا۔
نیشنل ایمرجنسی آپریشنز سنٹر (این ای او سی) کے مطابق جاپان کی جانب سے دی گئی گرانٹ کے ذریعے 24 لاکھ سے زائد پولیو ویکسین کی خوراکیں خریدی جائیں گی، اسلام آباد میں اس سلسلے میں جاپان اور یونیسیف کے درمیان معاہدے پر دستخط ہوئے۔
این ای او سی کے مطابق پاکستان دنیا کے اُن دو ممالک میں سے ایک ہے جہاں پولیو وائرس اب بھی موجود ہے، اس سال اب تک پولیو کے 30 کیسز رپورٹ ہو چکے ہیں۔
نیشنل ایمرجنسی آپریشنز سنٹر نے بتایا کہ پولیو کے خاتمے کیلیے مشترکہ اور مربوط حکمتِ عملی پر تیزی سے عمل جاری ہے، جاپان کی حکومت 1996 سے پاکستان میں پولیو کے خاتمے کی دیرینہ شراکت دار ہے، اس نے پولیو کے خلاف جنگ میں 245 ملین ڈالر سے زائد گرانٹس اور قرضے فراہم کیے۔