کراچی: محکمہ موسمیات نے آئندہ 24 گھنٹوں کے دوران شہر میں مرطوب موسم، جزوی ابر آلود آسمان اور تیز ہواؤں کی پیشگوئی کی ہے۔ محکمہ موسمیات کے مطابق کم سے کم درجہ حرارت 28.6 ڈگری سینٹی گریڈ ریکارڈ کیا گیا، جبکہ زیادہ سے زیادہ درجہ حرارت 34 سے 36 ڈگری سینٹی گریڈ تک رہنے کا امکان ہے۔
محکمہ موسمیات کا کہنا ہے کہ صبح اور رات کے اوقات میں شہر کے مختلف علاقوں میں ہلکی بوندا باندی ہو سکتی ہے، جبکہ سمندری ہوائیں 18 کلومیٹر فی گھنٹہ کی رفتار سے چل رہی ہیں۔ اس وقت ہوا میں نمی کا تناسب 72 فیصد ریکارڈ کیا گیا ہے۔
