امریکی محکمہ دفاع (پینٹاگون) نے چین کی متعدد بڑی کمپنیوں کو بلیک لسٹ میں شامل کر دیا ہے، جن میں علی بابا، بی وائی ڈی اور بائیڈو نمایاں ہیں۔ امریکی حکومت کا مؤقف ہے کہ یہ کمپنیاں چینی فوج کی معاونت کر رہی ہیں، اسی بنیاد پر انہیں پابندیوں کی فہرست میں شامل کیا گیا ہے۔
اس اقدام کو امریکا اور چین کے درمیان جاری تزویراتی اور اقتصادی کشیدگی کا ایک اہم مرحلہ قرار دیا جا رہا ہے۔ پینٹاگون کی جانب سے جاری فہرست میں شامل کمپنیوں پر مختلف نوعیت کی پابندیاں عائد کی جا سکتی ہیں، جبکہ اس فیصلے کے عالمی کاروباری اور ٹیکنالوجی شعبے پر بھی اثرات مرتب ہونے کا امکان ظاہر کیا جا رہا ہے۔
