بھارت میں سوشل میڈیا سے جنم لینے والی نوجوانوں کی منفرد تحریک ‘کاکروچ جنتا پارٹی’ وزیر اعظم نریندر مودی کی حکومت کے لیے ایک غیر متوقع سیاسی چیلنج بن کر سامنے آئی ہے۔ نئی دہلی میں حالیہ نوجوانوں کے احتجاج نے مودی سرکار کو سیاسی اور سفارتی سطح پر دباؤ کا سامنا کرنے پر مجبور کر دیا ہے، جبکہ اس تحریک کی بازگشت عالمی میڈیا تک بھی پہنچ چکی ہے۔
برطانوی معروف جریدے نے اس ‘جین زی’ تحریک کی بڑھتی ہوئی اثر پذیری کا اعتراف کرتے ہوئے لکھا ہے کہ آن لائن میمز اور سوشل میڈیا مہمات سے شروع ہونے والی یہ تحریک بھارت کی روایتی سیاسی قوتوں کو چیلنج کرنے اور سیاسی منظرنامے کو تبدیل کرنے کی صلاحیت رکھتی ہے۔ ماہرین کے مطابق نوجوانوں کی ڈیجیٹل سرگرمیاں مستقبل کی سیاست پر گہرے اثرات مرتب کر سکتی ہیں۔
