لندن: ڈیوک آف سسیکس شہزادہ ہیری نے اپنی والدہ شہزادی ڈیانا کی زندگی پر مبنی ایک خفیہ فلمی منصوبے پر کام شروع کردیا ہے، جس میں اہلیہ میگھن مارکل کے اہم کردار میں شامل ہونے کی اطلاعات ہیں۔
غیر ملکی میڈیا رپورٹس کے مطابق شہزادہ ہیری مبینہ طور پر چاہتے ہیں کہ میگھن مارکل فلم میں ڈیانا کی کہانی کی راوی کا کردار ادا کریں۔ اس صورت میں میگھن کا کردار محض مختصر شرکت تک محدود نہیں ہوگا بلکہ وہ فلم کی کہانی میں نمایاں حیثیت رکھیں گی۔
رپورٹس کے مطابق شہزادہ ہیری بھی اپنی والدہ کی کہانی میں بیٹے کے طور پر نظر آسکتے ہیں۔ شہزادی ڈیانا 1997 میں پیرس میں ایک کار حادثے میں انتقال کرگئی تھیں۔
