اسلام آباد: وزیراعظم شہباز شریف نے سعودی عرب میں حوثیوں کے حملوں کی شدید مذمت کرتے ہوئے سعودی عرب کی سلامتی، خودمختاری اور علاقائی سالمیت کے لیے پاکستان کی مستقل حمایت کا اعادہ کیا ہے۔
وزیراعظم نے کہا کہ ایسے حملے نہ صرف بے گناہ انسانی جانوں کے لیے خطرہ ہیں بلکہ علاقائی امن و سلامتی کو بھی متاثر کرتے ہیں۔
شہباز شریف نے خادمِ حرمین شریفین شاہ سلمان، ولی عہد محمد بن سلمان اور سعودی عوام سے اظہارِ یکجہتی کرتے ہوئے حملوں میں زخمی ہونے والوں کی جلد صحت یابی کے لیے دعا کی۔
