سعودی عرب نے حوثیوں کو بے گناہ شہریوں اور شہری تنصیبات پر حملے جاری رکھنے کی صورت میں سنگین نتائج سے خبردار کردیا۔
سعودی وزارتِ خارجہ نے حوثیوں کے حملوں کی شدید مذمت کرتے ہوئے کہا کہ حملوں میں خواتین اور بچوں سمیت 73 شہری زخمی ہوئے۔ سعودی حکام نے بحیرۂ احمر میں تجارتی جہازوں پر حملوں اور بحری آمدورفت کو لاحق خطرات پر بھی تشویش کا اظہار کیا۔
سعودی عرب کا کہنا ہے کہ اپنی خودمختاری اور سلامتی کے دفاع کے لیے تمام ضروری اقدامات کیے جائیں گے۔ ریاض نے عالمی برادری سے سلامتی کونسل کی متعلقہ قراردادوں پر عملدرآمد یقینی بنانے کا مطالبہ بھی کیا۔
