بیورو آف امیگریشن اینڈ اوورسیز ایمپلائمنٹ نے بیرون ملک سفر کرنے والے پاکستانی شہریوں کو وزٹ ویزے پر ملازمت کے جھانسے سے بچنے کی ہدایت کی ہے۔ بیورو کے مطابق غیر رجسٹرڈ ایجنٹ یا سب ایجنٹ بیرون ملک پہنچتے ہی نوکری دلانے یا وزٹ ویزے کو آسانی سے ورک ویزے میں تبدیل کرانے کے وعدے کرتے ہیں، جن پر تصدیق کے بغیر اعتماد کرنا خطرناک ہوسکتا ہے۔
حکام نے واضح کیا ہے کہ وزٹ یا سیاحتی ویزا عام طور پر ملازمت کی اجازت نہیں دیتا، جبکہ ویزے کی تبدیلی متعلقہ ملک کے قوانین اور مجاز امیگریشن اتھارٹی کے فیصلے سے مشروط ہوتی ہے۔ بیورو نے شہریوں کو مشورہ دیا ہے کہ وہ بیرون ملک غیر قانونی ملازمت سے گریز کریں اور کسی بھی ایجنٹ کے وعدے پر سفر کرنے سے پہلے مکمل تصدیق کریں۔
