اقوام متحدہ میں فرانس کے سفیر جیروم بونافون نے ایران پر دوبارہ بحال کی گئی سلامتی کونسل کی پابندیوں کے مکمل نفاذ کا مطالبہ کرتے ہوئے کہا ہے کہ ان پابندیوں کی نگرانی کرنے والی اقوام متحدہ کی کمیٹی کے لیے فوری طور پر چیئرمین مقرر کیا جانا چاہیے۔
انہوں نے بتایا کہ یہ مؤقف امریکا سمیت متعدد یورپی اور عرب ممالک کی جانب سے پیش کیا گیا ہے۔ جیروم بونافون کا کہنا تھا کہ ایران کے جوہری پروگرام سے متعلق عالمی خدشات کو نظر انداز نہیں کیا جا سکتا، تاہم فرانس اب بھی اس معاملے کے سفارتی اور پُرامن حل کا حامی ہے۔
