گلاسگو کامن ویلتھ گیمز میں پاکستان کے اسٹار جیولن تھرو ایتھلیٹ ارشد ندیم نے فائنل راؤنڈ کے لیے کوالیفائی کر لیا۔ کوالیفائنگ مرحلے میں تین تھروز کے باوجود کوئی بھی ایتھلیٹ 84 میٹر کا مقررہ کوالیفائنگ معیار حاصل نہ کر سکا۔
بہترین تھرو کی بنیاد پر ٹاپ 12 ایتھلیٹس کو فائنل کے لیے منتخب کیا گیا، جہاں ارشد ندیم نے 78.63 میٹر کی تھرو کے ساتھ ساتویں پوزیشن حاصل کرتے ہوئے فائنل میں جگہ بنائی۔
دوسری جانب پاکستان کے یاسر سلطان 74.36 میٹر کی تھرو کے ساتھ 14ویں نمبر پر رہے اور فائنل تک رسائی حاصل نہ کر سکے۔ دیگر کوالیفائی کرنے والوں میں بہاماس کے کیشون، بھارت کے روہت یادیو اور یش ویر سنگھ، ٹرینیڈاڈ اینڈ ٹوباگو کے والکوٹ اور نائجیریا کے این نیمدی شامل ہیں۔
