کراچی: مبینہ ڈرگ ڈیلر انمول عرف پنکی کے خلاف درج قتل کے مقدمے میں اہم قانونی پیش رفت سامنے آئی ہے۔ پولیس نے کراچی یونیورسٹی کی کیمیکل رپورٹ کی روشنی میں مقدمے کی دفعات تبدیل کرتے ہوئے قتل کی دفعہ ختم کر کے کیس کو قتل بالسبب میں تبدیل کر دیا ہے۔
چالان کی اسکروٹنی ڈسٹرکٹ پراسیکیوٹر اسداللہ میتلو اور ڈپٹی ڈسٹرکٹ پراسیکیوٹر عارف سیتائی نے کی۔ رپورٹ کے مطابق متوفی کی موت نشے کے باعث ہوئی، جبکہ اب تک اس کی شناخت اور ڈی این اے حاصل نہیں کیا جا سکا۔
قانونی ماہرین کا کہنا ہے کہ قتل بالسبب کی دفعہ کے تحت جرم ثابت ہونے کی صورت میں ملزمہ کو دیت کی ادائیگی کا حکم دیا جا سکتا ہے۔ یاد رہے کہ بغدادی پولیس نے لاش ملنے کے تقریباً ایک ماہ بعد انمول عرف پنکی کے خلاف مقدمہ درج کیا تھا، جبکہ مدعی اپنا بیان بھی عدالت میں ریکارڈ کرا چکے ہیں۔
