عالمی شہرت یافتہ پاکستانی اداکارہ ماہرہ خان کا کہنا ہے کہ شادی کا جوڑا میرا بہت خاص ہے اور وہ اپنی بہو کو دوں گی۔
ماہرہ خان نے حال ہی میں یوٹیوب پروگرام میں شرکت کرتے ہوئے اپنی شادی کی تقریبات کے حوالے سے اظہار خیال کیا۔
اداکارہ نے یہ بھی کہا کہ انہوں نے فیصلہ کر لیا تھا کہ یہ لباس وہ اپنی بہو کو دیں گی اور اس کے ساتھ کہیں گی کہ اس کا خیال رکھنا۔
انہوں نے بتایا کہ ان کی شادی کا آغاز دعائے خیر کی تقریب سے ہوا تھا، جو ان کی والدہ کی خواہش تھی کہ تقریبات کی شروعات اسی سے ہو۔
ان کے مطابق اس موقع پر زہرہ نگاہ نے دعا کروائی اور سارا اہتمام گھر میں ہی کیا گیا تھا۔ ماہرہ خان نے بتایا کہ اس دن انہوں نے بہت سادہ میک اپ کیا تھا اور بالوں کی سادہ سی چوٹی بنائی تھی۔
اداکارہ کا کہنا تھا کہ دعائے خیر کے موقع پر انہوں نے حیدرآبادی لباس پہنا، جو انہیں بہت پسند ہے۔
خیال رہے کہ ماہرہ خان نے اکتوبر 2023 میں کاروباری شخصیت سلیم کریم سے دوسری شادی کی تھی۔
اس سے قبل ماہرہ خان نے 2007 میں علی عسکری سے شادی کی تھی، ان کا ایک بیٹا اذلان ہے اور شادی کے 8 سال بعد 2015 میں طلاق ہوگئی تھی۔
