نادرانے ملک بھر کے شہریوں کے لیے اہم اعلان کیا ہے

اسلام آباد – نیشنل ڈیٹابیس رجسٹریشن اتھارٹی (نادرا) نے ملک بھر کے شہریوں کے لیے اہم اعلان کیا ہے۔
نیشنل ڈیٹابیس رجسٹریشن اتھارٹی (نادرا) جو ملک بھر کے ساتھ بیرون ملک مقیم پاکستانیوں کو بھی قومی شناختی کارڈ سمیت دیگر شناختی دستاویزات جاری کرنے کا واحد مجاز ادارہ ہے۔ اس نے عوام کی سہولت کے لیے اہم اعلان کیا ہے۔
نادرا کی جانب سے سسٹم کو اپ گریڈ کیا جا رہا ہے۔ اس لیے ہفتہ 25 اکتوبر 2025 کو شام 4 بجے سے 6 بجے تک دو گھنٹے کے لیے نادرا کی اہم سروس معطل رہے گی۔
نادرا کی جانب سے جاری اعلامیہ میں کہا گیا ہے کہ سسٹم اپ گریڈیشن کی وجہ سے نادرا کے تمام دفاتر، پاک آئی ڈی موبائل ایپ اور نادرا خدمات استعمال کرنے والے دیگر اداروں میں شناختی کارڈ کی تصدیق کی سہولت معطل رہے گی۔
ادارے کی جانب سے اس دوران شہریوں کو ہونے والی ممکنہ پریشانی پر پیشگی معذرت کی ہے اور کہا ہے کہ نادرا اپنی خدمات اور سہولتوں کو بہتر سے بہتر بنانے کے لیے ہر لمحہ سرگرم عمل ہے اور یہ اپ گریڈیشن بھی اسی سلسلے کی ایک کڑی ہے۔