بھارتی بیٹر ویرات کوہلی کی جانب سے لگاتار دوسری بار تاریخی ڈک

بھارتی بیٹر ویرات کوہلی کی جانب سے لگاتار دوسری بار “تاریخی ڈک” حاصل کرنے پر ان کی ریٹائرمنٹ کی باتیں زور پکڑنے لگی ہیں۔
ویرات کوہلی کا بلا رنز اگلا تو دور اس کی خوشبو سونگھنا بھی بھول گیا ہے، کبھی بھارت اور عالمی کرکٹ میں ٹاپ کلاس بیٹر مانے جانے والی رائٹ ہینڈ بیٹر حالیہ دورہ آسٹریلیا میں لگاتار دوسری بار صفر کی خفت سے دوچار ہوئے اور انھیں آؤٹ بھی ایک نوآموز بولر نے کیا۔
محض 5 ون ڈے کھیلنے والے زیویر بارٹلیٹ نے انھیں 4 بالز بعد ہی اپنی ایک ان سوئنگ ہوتی گیند سے جکڑا، نوجوان بولر نے ویرات کو ایل بی ڈبلیو کرکے پویلین کی راہ دکھائی۔
یہ بھی پڑھیں: کوہلی کا کراچی کے مداح کو آٹوگراف، روہت ٹیم بس سے اترکر تصویر کھنچوانے آئے
ویرات کوہلی جو کہ پہلے ہی ٹیسٹ اور ٹی ٹوئنٹی انٹرنیشنلز سے ریٹائر ہوچکے ہیں ان کےلیے حالیہ دورہ آسٹریلیا کی کنڈیشن کافی پریشان کن لگ رہی ہیں جس کا ثبوت ان کا لگاتار دسری بار صفر پر آؤٹ ہونا ہے۔
انٹرنیشنل کرکٹ میں 7 ماہ بعد واپسی کے بعد آسٹریلیا کے خلاف پہلے ون ڈے وہ 8 بالز کھیلنے کے باوجود کوئی رن اسکور نہ کرسکے جبکہ دسرے ون ڈے میں وہ 4 بالز کھیل کر زیرو پر پویلین لوٹے۔
ایڈیلڈ میں آؤٹ ہونے کے بعد واپس جاتے ہوئے کوہلی کا انداز بھی کچھ ایسا تھا جس نے ان کی ریٹائرمنٹ کی افواہوں کو ہوا دی ہے، وہ صفر پر آؤٹ ہونے کے باوجود کراؤڈ کو دیکھ کر ہاتھ ہلاتے ہوئے گرائونڈ سے گئے۔
ان کے اس طرح لگاتار صفر پر آؤٹ ہونے کے بعد مداحوں کا کہنا ہے کہ کم میچ پریکٹس نے کوہلی کو زنگ لگادیا ہے کوئی سال بھر میں 5 سے 7 میچز کھیل کر کس طرح ورلڈکپ کےلیے تیار ہوسکتا ہے۔