کوئٹہ: محکمہ داخلہ بلوچستان نے امن و امان کی صورتحال کے پیشِ نظر ضلع مستونگ کی سب تحصیل کھڈ کوچہ میں تاحکمِ ثانی کرفیو نافذ کر دیا ہے۔
معاون وزیر داخلہ بابر یوسفزئی کے مطابق کرفیو کے دوران عام شہریوں کو گھروں سے باہر نکلنے کی اجازت نہیں ہوگی۔ انہوں نے عوام سے اپیل کی کہ وہ امن و امان برقرار رکھنے کے لیے ضلعی انتظامیہ کی ہدایات پر مکمل عمل کریں۔
بابر یوسفزئی نے خبردار کیا کہ کرفیو کی خلاف ورزی کرنے والوں کے خلاف قانون کے مطابق سخت کارروائی عمل میں لائی جائے گی۔
