پاکستان کے خلاف وائٹ بال سیریز سے جنوبی افریقا کے دو کھلاڑی باہر ہوگئے۔
کرکٹ جنوبی افریقا کے مطابق مڈل آرڈر بیٹر ڈیوڈ ملر اور فاسٹ بولر جیرالڈ کوٹزی انجری کے سبب وائٹ بال سیریز سے باہر ہوگئے ہیں۔
ڈیوڈ ملر ٹی 20 سیریز میں جنوبی افریقی اسکواڈ کا حصہ تھے لیکن وہ ہیمسٹرنگ انجری کی وجہ سے دستیاب نہیں ہوں گے۔
25 سالہ فاسٹ بولر کوٹزی بھی انجری کا شکار ہوکر ون ڈے ٹیم میں شامل نہیں ہیں۔ فاسٹ بولر نمییا کے خلاف واحد ٹی 20 میچ کے دوران بولنگ کرتے ہوئے انجرڈ ہوئے تھے۔
جنوبی افریقا نے میتھیو برٹز اور ٹونی ڈی زورزی کو سیریز کے لیے اسکواڈ میں شامل کیا ہے۔
اوٹنیل بارٹ مین نے چار ون ڈے اور 12 ٹی 20 میں جنوبی افریقا کی نمائندگی کی ہے انہیں ون ڈے اسکواڈ کا حصہ بنایا گیا ہے۔
واضح رہے کہ پاکستان اور جنوبی افریقا کے درمیان 3 ٹی ٹوئنٹی میچز کی سیریز کا پہلا میچ 28 اکتوبر کو پنڈی اسٹیڈیم میں کھیلا جائے گا۔ دونوں ٹیموں کے درمیان 3 میچز کی ون ڈے سیریز 4 نومبر سے شروع ہوگی۔
