اسرائیلی انتہاپسند وزیر سموٹریج نے سعودی عرب پر فلسطینی ریاست کے مطالبے پر طنز کرتے ہوئے کہا ہے کہ اگر فلسطینی ریاست شرط ہے تو اونٹوں پر سواری جاری رکھیں
اسرائیلی انتہا پسند وزیرخزانہ نے کانفرنس میں کہا کہ فلسطینی ریاست کے بدلے نارملائزیشن قبول نہیں اگر تعلقات قائم کرنے کے لیے فلسطینی ریاست شرط ہے تو بہت شکریہ! اونٹوں پر سواری جاری رکھیں۔
انہوں نے کہا کہ “ہم واقعی ترقی پذیر رہیں گے – معیشت ، معاشرے ، ایک ریاست اور ان تمام عمدہ اور حیرت انگیز چیزوں کے ساتھ جو ہم جانتے ہیں۔”
اسرائیلی اپوزیشن لیڈر یائرلاپیڈ نے انتہاپسند وزیرخزانہ سموٹریج کے بیان کو مسترد کر دیا۔
سعودی عرب، قطر کا مغربی کنارے کے اسرائیل میں انضمام پر شدید رد عمل
انہوں نے کہا کہ سموٹریج اسرائیل کا نمائندہ نہیں فوری سعودی عرب سے معافی مانگے جب کہ سابق اسرائیلی وزیردفاع بینی گینٹز نے کہا کہسموٹریج کے بیانات جہالت اور ذمہ داریوں سے لاعلمی ہے۔
سعودی عرب، قطر اور اردن نے مقبوضہ مغربی کنارے کے اسرائیل میں انضمام پر شدید رد عمل ظاہر کیا ہے۔
امریکی صدر ڈونلڈ ٹرمپ کی مخالفت کے باوجود اسرائیلی پارلیمنٹ نے مغربی کنارہ اسرائیل میں غیر قانونی طور پر ضم کرنے کی منظوری دے دی ہے، سعودی عرب نے اس اقدام کی شدید الفاظ میں مذمت کی ہے۔
سعودی عرب کا کہنا ہے کہ وہ اسرائیلی آباد کاری اور توسیع پسندانہ عزائم کو مسترد کرتا ہے، قطر نے بھی اس اقدام کو فلسطینیوں کے حقوق سلب کونے کی کوشش قرار دیا، اور کہا کہ ہم مسئلہ فلسطین کے دو ریاستی حل کی حمایت کرتے ہیں، اقوام متحدہ اسرائیل کو توسیع پسندانہ منصوبہ سے روکے۔
