ویمنز ورلڈ کپ کے آٹھویں میچ میں انگلینڈ نے بنگلادیش کو 4 وکٹوں سے شکست دے دی۔
گوہاٹی میں کھیلے گئے میچ میں انگلینڈ ویمنز نے بنگلادیش کی جانب سے دیا جانے والا 179 رنز کا ہدف 46.1 اوورز میں 6 وکٹوں کے نقصان پر حاصل کرلیا۔
ہیتھر نائٹ نے 79 رنز کی میچ وننگ اننگز کھیلی، کپتان نیت اسکویر برنٹ 32 رنز بنا کر آؤٹ ہوئیں، ایلیس کیپسی 20 رنز بناسکیں۔
بنگلادیش ویمنز کی جانب سے فہیمہ خاتون نے تین کھلاڑیوں کو آؤٹ کیا، معروفہ اختر نے 2 وکٹیں حاصل کیں۔
اس سے قبل بنگلادیش کی ٹیم 49.4 اوورز میں 178 رنز بنا کر آؤٹ ہوئی۔
سوبھانا نے 60 رنز کی اننگز کھیلی، شمیم اختر 30 رنز بنا کر آؤٹ ہوئیں، رابعہ خان 27 گیندوں پر 43 رنز بنا کر ناٹ آؤٹ رہیں۔
انگلینڈ ویمنز کی جانب سے صوفی نے تین کھلاڑیوں کو آؤٹ کیا، لنسے اسمتھ نے دو وکٹیں حاصل کیں۔
واضح رہے کہ گزشتہ روز کھیلے گئے میچ میں جنوبی افریقا نے نیوزی لینڈ ویمنز کو باآسانی شکست دی تھی
