تعلیمی اداروں میں سگریٹ، ویپ ودیگر نکوٹین مصنوعات پر پابندی عائد

سندھ کے تعلیمی اداروں میں سگریٹ، ویپ ودیگر نکوٹین مصنوعات پر پابندی عائد کردی گئی۔
سندھ حکومت نے صوبے کے سرکاری اور نجی تعلیمی اداروں میں تمباکو اور نکوٹین کی تمام مصنوعات بشمول سگریٹ، ویپ، تمباکو اور نکوٹین پاؤچز پر مکمل پابندی عائد کر دی ہے۔
وزیر تعلیم سندھ سردار شاہ کی ہدایت پر عمل کرتے ہوئے سیکریٹری تعلیم نے باضابطہ نوٹیفکیشن جاری کردیا۔
منشیات کے استعمال کے خلاف زیرو ٹالرنس پالیسی بھی نافذ کی گئی ہے جس کی خلاف ورزی کرنے والوں کے خلاف سخت قانونی کارروائی کی جائے گی۔
حکومت نے اس بات پر زور دیا کہ یہ قدم بچوں کی حفاظت اور اسکولوں، کالجوں اور یونیورسٹیوں میں صحت مند، منشیات سے پاک ماحول کو یقینی بنانے کے لیے بہت ضروری ہے۔