اعلیٰ ثانوی تعلیمی بورڈ کراچی نے انٹرمیڈیٹ بارہویں جماعت آرٹس ریگولر گروپ کے سالانہ امتحانات برائے 2025ء کے نتائج کا اعلان کردیا ہے ۔
چیئرمین انٹر بورڈ کراچی فقیر محمد لاکھو نے نتائج کا اعلان کرتے ہوئے بتایا کہ آرٹس ریگولر گروپ کے امتحانات میں ہائر سیکنڈری اسکول فار بلائنڈ اینڈ ڈیف کے طالبعلم ہنس راج ولد مکیش کمار نے 1100 میں سے 953 نمبرز اے ون گریڈ کے ساتھ پہلی پوزیشن حاصل کی
اقراء حفاظ گرلز سائنس کالج بلاک بی نارتھ ناظم آباد کی طالبہ انشرح بنت محمد امین نے اے ون گریڈ کے ساتھ دوسری جبکہ اسی کالج کی طالبہ سیدہ خضرا امیر بنت سید رزاق نے اے ون گریڈ کے ساتھ تیسری پوزیشن حاصل کی
