سیکیورٹی فورسز :شمالی وزیرستان میں تباہی پھیلانے کی کوشش ناکام

راولپنڈی: سیکیورٹی  فورسز نے شمالی وزیرستان میں تباہی پھیلانے کی کوشش ناکام بنادی۔
پاک فوج کے شعبہ تعلقات عامہ (آئی ایس پی آر) سیکیورٹی فورسز کو بھارتی پراکسی فتنہ الخوارج کی جانب سے خودکش گاڑی کی اطلاع ملی تھی۔
شمالی وزیرستان کے علاقے جھلر میں فورسز نے انٹیلیجنس بیسڈ آپریشن کیا اس دوران فائرنگ کے شدید تبادلے میں 3 خوارج مارے گئے۔
آئی ایس پی آر کا کہنا ہے کہ آپریشن کے دوران خودکش حملے کے لیے تیار کی جانے والی گاڑی تباہ کردی گئی۔
یہ پڑھیں: ٹانک میں سیکیورٹی فورسز کا آپریشن، 8 بھارتی اسپانسرڈ خوارج ہلاک
ترجمان پاک فوج کا کہنا ہے کہ علاقے میں ممکنہ خارجیوں کے خاتمے کے لیے کلیئرنس آپریشن جاری ہے، غیرملکی اسپانسرڈ دہشت گردی کے خاتمے کی کوششیں جاری رہیں گی، ہر قیمت پر دہشت گردی کا خاتمہ یقینی بنایا جائے گا۔
واضح رہے کہ گزشتہ روز سیکیورٹی فورسز نے خوارج کی موجودگی کی اطلاع پر ٹانک میں انٹیلیجنس بیسڈ آپریشن کیا تھا اس دوران موثر کارروائی میں 8 بھارتی اسپانسرڈ خوارج مارے گئ تھےے۔
آپریشن کے دوران مختلف نوعیت کے ہتھیار اور دھماکا خیز مواد برآمد کیا گیا۔
ترجمان پاک فوج کا کہنا تھا کہ ہلاک خوارج سیکیورٹی فورسز پر حملوں، شہریوں کے قتل میں ملوث تھے۔