سی ای او کے الیکٹرک کا کہنا ہے کہ نیپرا کے ٹیرف تبدیلی سے کراچی کے کسٹمر ٹیرف میں کوئی تبدیلی نہیں آئے گی۔
سی ای او کے الیکٹرک مونس علوی نے کہا کہ نیپرا کو کیا ضرور پیش آگئی کہ ڈھائی سال بعد ٹیرف کو تبدیل کردیا، جولائی کے وسط تک ٹیرف کو نوٹیفائی بھی کردیا تھا۔
مونس علوی نے کہا کہ نیپرا نے فیصلے میں لکھا کہ سوموٹو لیتے ہوئے ٹیرف میں تبدیلی کی ہے، جولائی تک نیپرا نے ایک ٹیرف رکھا اور بعد میں اسے تبدیل کردیا۔
انہوں نے کہا کہ نیپرا نے جو ٹیرف نکالا ہے اس میں کے الیکٹرک کی بجلی کی قیمت کو کم کردیا ہے، نیپرا کے ٹیرف سے متعلق تمام آپشن دیکھ رہے ہیں، حکومت سے بھی بات کریں گے۔
گزشتہ دنوں ترجمان کے الیکٹرک کا کہنا تھا کہ نیپرا کی جانب سے حالیہ اعلان کردہ ٹیرف میں کمی صارفین پر بلوں پر لاگو نہیں ہوگا۔
ترجمان کا کہنا تھا کہ صارفین سے وصول کی جانے والی رقم مین کوئی تبدیلی یا کمی نہیں کی گئی ہے۔
واضح رہے کہ نیشنل الیکٹرک پاور ریگولیٹری اتھارٹی (نیپرا) نے کے الیکٹرک کی ملٹی ایئر ٹیرف 2024 تا 2030 سے متعلق درخواستوں پر فیصلہ جاری کیا تھا۔
فیصلہ جنریشن، ٹرانسمیشن، ڈسٹری بیوشن اور سپلائی بزنس کے مختلف پہلوؤں پر محیط ہے۔
نیپرا نے کے الیکٹرک کا اوسط ٹیرف 39.97 روپے فی یونٹ سے کم کر کے 32.37 روپے فی یونٹ کرنے کا فیصلہ سنایا تھا۔
