راولپنڈی ٹیسٹ میں جنوبی افریقہ کے ہاتھوں 8 وکٹوں سے شکست کے بعد پاکستان ریڈ بال کوچ اظہر محمود قومی ٹیم پر برس پڑے۔
روالپنڈی میں پریس کانفرنس کرتے ہوئے پاکستان ریڈ بال کوچ اظہر محمود نے کہا کہ کوالٹی ٹیم کو موقع دیں گے تو جارحانہ جواب ملےگا، ہماری ٹیم کو اسپنرز کے خلاف اچھی بیٹنگ کرنا سیکھنا ہوگی، بیٹرزکواسٹر ئیک روٹیٹ کرنا چاہیے تھا۔
اظہر محمود نے کہا کہ انٹرنیشنل کرکٹ میں دماغی طور پر مضبوط ہونا چاہیے، ڈومیسٹک کرکٹ میں بھی اسپنرز کے لیے ساز گار پچز بنانی پڑیں گی۔
انہوں نے کہا کہ پاکستان ٹیم نے کیچ ڈراپ کیے، اسٹمپ چھوڑا، کوالٹی ٹیم کو موقع دیں گے تو جارحانہ جواب ہی ملےگا، پاکستان کو بیٹنگ کولیپس کا سامنا کرنا پڑا، اسکور کرنےکا طریقہ آنا چاہیے، اسٹرائیک روٹیٹ کرنی چاہیے تھی۔
پنڈی ٹیسٹ، جنوبی افریقہ نے پاکستان کو شکست دیدی
دوسری جانب جنوبی افریقی فاسٹ بولر کاگیسو رباڈا کا کہنا تھاکہ برصغیر میں ٹیسٹ میچ جیتنا بڑی بات ہے، واضح رہے کہ پاکستان اور جنوبی افریقہ کے درمیان دو ٹیسٹ میچز کی سیریز 1-1 سے برابر ہوئی۔
