خطرناک ڈاکوؤں کی فہرست جاری

شہدادکوٹ: پولیس نے 26 خطرناک ڈاکوؤں کی فہرست جاری کرتے ہوئے عوام سے ان کی گرفتاری میں مدد کی اپیل کی ہے۔
تفصیلات کے مطابق ضلع قمبر شہدادکوٹ پولیس نے 26 خطرناک ڈاکوؤں کی فہرست جاری کردی۔
ایس ایس پی ساجد سدوزئی نے بتایا کہ فہرست میں ڈاکوؤں کے ناموں اور تصاویر کو شامل کیا گیا ہے تاکہ عوام شناخت میں مدد کرسکیں۔
فہرست میں شامل ملزمان میں کامران علی عرف موٹا بلیدی، زیب چانڈیو، پپو چانڈیو، شیراز عرف مرچو سولنگی اور رب رکھیو چانڈیو جیسے خطرناک ملزمان شامل ہیں۔
ایس ایس پی ساجد سدوزئی کا کہنا تھا کہ یہ تمام مطلوب ڈاکو قتل، ڈکیتی، لوٹ مار اور اغوا برائے تاوان جیسے سنگین جرائم میں ملوث ہیں۔
پولیس نے کہا کہ اطلاع فراہم کرنے والے شہری کا نام صیغہ راز میں رکھا جائے گا جبکہ قابلِ اعتماد اطلاع دینے پر نقد انعام بھی دیا جائے گا۔
ذرائع کے مطابق ڈاکوؤں کی فہرست ضلع کے اہم چوراہوں اور عوامی مقامات پر آویزاں کر دی گئی ہے تاکہ شہری کسی بھی مشتبہ سرگرمی کی فوری اطلاع پولیس کو دے سکیں۔