اوگرا نے ایل پی جی کی قیمتوں میں بڑی کمی کردی

اوگرا کی جانب سے ایل پی جی کی قیمتوں میں کمی کا اعلان کردیا گیا، گھریلو سلنڈر کی قیمت ڈھائی ہزار روپے سے کم ہوگئی۔
اکتوبر کے لیے اوگرا نے ایل پی جی کی نئی قیمتوں کا نوٹی فکیشن جاری کردیا ہے، جس کے تحت اس ماہ ایل پی جی کے گھریلو سلنڈر کی قیمت میں 79 روپے 14 پیسے کی کمی کی گئی ہے۔
گھروں میں استعمال ہونے والے سلنڈر کی قیمت میں کمی کے بعد اب شہریوں کےلیے گھریلو سلنڈر 2527 روپے سے کم ہوکر 2448 روپے کا ہوگیا ہے۔
اوگرا نے فی کلو قیمت میں 6 روپے 71 پیسے کی کمی کی ہے جس کے بعد ایل پی جی کی فی کلو قیمت 214 روپے 19 پیسے سے کم ہوکر 207 روپے 48 پیسے ہوگئی ہے