اداکارہ اور ماڈل زینب رضا کو ڈرامے میں بولڈ ڈریسنگ کے باعث سوشل میڈیا پر شدید تنقید کا سامنا کرنا پڑ رہا ہے۔
تفصیلات کے مطابق زینب رضا کے ڈرامے ’رحمت‘ میں ان کی اداکاری کو ناظرین کی جانب سے سراہا جا رہا ہے، تاہم حالیہ قسط میں ان کے لباس نے سوشل میڈیا پر نئی بحث چھیڑ دی ہے۔
ایک منظر میں زینب رضا نے جامنی رنگ کی ساڑھی زیب تن کی ہوئی تھی، جس کے ساتھ پہنا گیا بلاؤز بعض ناظرین کے مطابق غیر معمولی طور پر بولڈ تھا۔ اگرچہ منظر کو ایڈیٹنگ کے ذریعے حد تک محدود رکھنے کی کوشش کی گئی، تاہم لباس کے انداز نے سوشل میڈیا صارفین کی توجہ حاصل کر لی۔
واقعے کے بعد مختلف صارفین نے اظہارِ خیال کرتے ہوئے ڈراموں میں ملبوسات کے انتخاب پر سوالات اٹھائے۔ کچھ افراد کا کہنا ہے کہ قومی اور فیملی ناظرین کے لیے بنائے جانے والے ڈراموں میں لباس کے انتخاب میں زیادہ احتیاط ضروری ہے، جبکہ بعض نے پروڈکشن ٹیم اور ہدایت کار کے فیصلے پر بھی تنقید کی ہے۔
