ایران فٹبال فیڈریشن نے دعویٰ کیا ہے کہ فیفا ورلڈ کپ کے میچ سے دو روز قبل ٹیم کی امریکا روانگی کی درخواست مسترد کر دی گئی ہے، جس کے باعث ٹیم کی تیاریوں کو شدید مشکلات کا سامنا ہے۔
ایران فٹبال فیڈریشن کے مطابق انہوں نے منتظمین سے درخواست کی تھی کہ قومی ٹیم کو میچ سے دو روز قبل لاس اینجلس جانے کی اجازت دی جائے، جہاں ایران کا اگلا میچ بیلجیئم کے خلاف شیڈول ہے، تاہم یہ درخواست منظور نہیں کی گئی۔
ترجمان کے مطابق سفری پابندیوں کے باعث ٹیم کی تیاریوں کا شیڈول متاثر ہو رہا ہے، اور اس صورتحال پر فیفا میں باضابطہ شکایت درج کرائی جائے گی۔
دوسری جانب وائٹ ہاؤس فیفا ٹاسک فورس کے ایگزیکٹو ڈائریکٹر اینڈریو جیولیانی کا کہنا ہے کہ ایران کو پہلے ہی آگاہ کر دیا گیا تھا کہ ٹیم کو میچ سے صرف ایک دن قبل امریکا آنے کی اجازت ہوگی، اور میچ کے بعد اسی روز واپسی لازم ہوگی۔
واضح رہے کہ ورلڈ کپ میں ایران کے بیلجیئم اور مصر کے خلاف اگلے دونوں میچ امریکا میں ہی شیڈول ہیں۔
