لاہور: پیٹرولیم مصنوعات کی قیمتوں میں نمایاں کمی کے بعد ملک بھر کے پبلک ٹرانسپورٹرز نے بھی کرایوں میں کمی کا اعلان کر دیا ہے۔
آل پاکستان پبلک ٹرانسپورٹ اونرز فیڈریشن کے صدر نے اعلان کیا ہے کہ پبلک ٹرانسپورٹ کے کرایوں میں 15 فیصد کمی کی جا رہی ہے، اور اس فیصلے کا اطلاق فوری طور پر ہوگا۔
واضح رہے کہ وفاقی حکومت نے گزشتہ روز پیٹرول کی قیمت میں 74 روپے فی لیٹر جبکہ ڈیزل کی قیمت میں 67 روپے فی لیٹر کمی کی تھی۔
حکومتی اعلان کے مطابق پیٹرول کی نئی قیمت 373 روپے سے کم ہو کر 299 روپے فی لیٹر جبکہ ڈیزل کی قیمت 378 روپے سے کم ہو کر 311 روپے فی لیٹر مقرر کی گئی ہے۔
