امریکی اخبار نیو یارک ٹائمز کی ایک تجزیاتی رپورٹ میں کہا گیا ہے کہ امریکا اور ایران کے درمیان تقریباً چار ماہ تک جاری رہنے والی جنگ کے باوجود ایران کا جوہری پروگرام مکمل طور پر ختم نہیں کیا جا سکا۔
رپورٹ کے مطابق جنگ کے بعد بھی ایران کا بیلسٹک میزائل پروگرام فعال ہے، جبکہ اس کے اتحادی گروپ بھی خطے میں سرگرم ہیں اور ایران کا سیاسی نظام بھی اپنی جگہ برقرار ہے۔
نیویارک ٹائمز کا کہنا ہے کہ جنگ اور بعد ازاں ہونے والے معاہدے کے باوجود مشرقِ وسطیٰ کی مجموعی صورتحال میں کوئی بڑی تبدیلی سامنے نہیں آئی۔ رپورٹ میں یاد دلایا گیا کہ امریکی صدر نے فروری میں ایران کے خلاف کارروائی کو خطے میں بڑا تبدیلی لانے اور خطرات کے خاتمے کی کوشش قرار دیا تھا۔
مزید کہا گیا ہے کہ حالیہ معاہدہ ایران کو اہم معاشی فوائد فراہم کر سکتا ہے، جبکہ ماہرین کے مطابق یہ پیش رفت امریکا کی مکمل فوجی برتری کے بجائے تنازع کو مزید بڑھانے سے گریز کی حکمت عملی کی عکاسی کرتی ہے۔
