کوئٹہ: بلوچستان میں سکیورٹی فورسز نے آپریشن شعبان 2 کے تحت دہشت گردوں کے خلاف کارروائی کرتے ہوئے 6 دہشت گردوں کو ہلاک کردیا۔
سکیورٹی ذرائع کے مطابق کارروائی ساران تنگی میں خفیہ اطلاعات کی بنیاد پر کی گئی، جس کے دوران 9 مشتبہ افراد کو بھی گرفتار کیا گیا۔
ذرائع کا کہنا ہے کہ کارروائی کے دوران ہلاک دہشت گردوں کے قبضے سے اسلحہ اور گولہ بارود برآمد کیا گیا۔
سکیورٹی ذرائع کے مطابق فورسز نے دہشت گردوں کے خلاف کامیاب کارروائی کرکے ان کے عزائم ناکام بنائے۔
صدر مملکت اور وزیراعظم نے ساران تنگی میں 6 دہشت گردوں کی ہلاکت پر سکیورٹی فورسز کو خراج تحسین پیش کیا اور فورسز کی بہادری و پیشہ ورانہ مہارت کو سراہا۔
