ملک بھر میں یکساں پالیسی کا نفاذ ,افغان مہاجرین کی واپسی

ملک بھر میں یکساں پالیسی کا نفاذ ہوگا افغان مہاجرین کی واپسی خیبرپختونخوا میں وفاقی اداروں کو کارروائی کا ٹاسک دینے کا فیصلہ
حکومت نے افغان مہاجرین کی وطن واپسی کے عمل کو مؤثر بنانے کے لیے وفاقی اداروں کو براہِ راست آپریشن کا ٹاسک دینے کا فیصلہ کر لیا ہے*
ذرائع کے مطابق فیصلہ اس پس منظر میں کیا گیا ہے کہ خیبرپختونخوا میں صوبائی حکومت کی جانب سے مہاجرین کے خلاف کارروائی مؤثر طریقے سے نہیں کی جا رہی۔ ذرائع کا کہنا ہے کہ کے پی حکومت نہ صرف افغان مہاجرین کے خلاف آپریشن میں سستی دکھا رہی ہےصوبائی کا مؤقف بھی یہی رہا ہے کہ وہ ان مہاجرین کی بے دخلی کے حق میں نہیں۔ اس صورتحال کو دیکھتے ہوئے اب وفاقی سطح پر یہ فیصلہ کیا گیا ہے کہ تمام ضروری کارروائیاں اور آپریشنز وفاقی ادارے خود انجام دیں گے تاکہ غیر قانونی افغان باشندوں کی واپسی کے عمل کو تیز اور مؤثر بنایا جا سکے۔
واضح رہے کہ اس فیصلے سے ملک بھر میں یکساں پالیسی کے تحت افغان مہاجرین کے انخلا کو یقینی بنایا جائے گا۔