خیبرپختونخوا کی صوبائی حکومت نے کے پی سائنس ایجنڈے کے تحت جدید ترین الیکٹرک رکشہ متعارف کرا دیا ہے، جسے صوبے میں ماحول دوست اور کم لاگت ٹرانسپورٹ کے فروغ کی جانب ایک اہم پیش رفت قرار دیا جا رہا ہے۔
اس منصوبے کا مقصد ایندھن پر انحصار کم کرنا اور عوام کو سستی، پائیدار اور جدید سفری سہولت فراہم کرنا ہے۔ الیکٹرک رکشوں کے استعمال سے نہ صرف مرمت اور دیکھ بھال کے اخراجات نمایاں طور پر کم ہوں گے بلکہ روایتی رکشوں کے مقابلے میں ڈرائیور دو گنا تک آمدنی حاصل کر سکیں گے۔
واضح رہے کہ وزیراعلیٰ خیبرپختونخوا ہاؤس میں ہائی اینڈ ٹیکنالوجی اور پروڈکٹ ڈیولپمنٹ کی ایک خصوصی نمائش بھی منعقد کی گئی، جس میں ہیپاٹائٹس بی اور سی، ایچ آئی وی سمیت دیگر بیماریوں کی تشخیص کے لیے تیار کی گئی مقامی پی سی آر کٹس کی نمائش کی گئی
وزیراعلیٰ خیبر پختونخوا سہیل خان آفریدی نے اس موقع پر کہا کہ خیبر پختونخوا حکومت انوویشن پر مبنی ترقی اور خود انحصاری کے فروغ کے لیے پرعزم ہے
