کراچی: سندھ حکومت نے تعلیمی اداروں میں ہفتے کی چھٹی سے متعلق فیصلہ کرتے ہوئے صوبے بھر کے سرکاری اور نجی اسکولوں کے تدریسی اوقات میں روزانہ ایک گھنٹے کا اضافہ کر دیا ہے۔
تفصیلات کے مطابق سندھ حکومت نے تمام اسکولوں میں ہفتہ وار تعطیل کا فیصلہ کیا ہے۔ ہفتے کی چھٹی کے باعث تدریسی وقت میں ہونے والی کمی کو پورا کرنے کے لیے اسکولوں کے روزانہ اوقات کار میں ایک گھنٹہ بڑھایا جائے گا۔
حکام کا کہنا ہے کہ یہ اقدام حکومت کی کفایت شعاری پالیسی اور توانائی کے وسائل کی بچت کے اقدامات کا حصہ ہے، جبکہ اس بات کو یقینی بنایا جائے گا کہ طلبہ کی تعلیمی سرگرمیاں اور معیار متاثر نہ ہوں۔
