چمن/لکی مروت: بلوچستان کے علاقے چمن اور خیبرپختونخوا کے ضلع لکی مروت میں دستی بم حملوں کے نتیجے میں 3 افراد جاں بحق جبکہ 7 زخمی ہوگئے۔
پولیس کے مطابق لکی مروت کے علاقے بہرام خیل میں ایک گھر کے اندر دستی بم دھماکے میں رشید نامی شخص، اس کی بھابھی اور کمسن بھتیجا جاں بحق ہوگئے، جبکہ 3 بچے زخمی ہوئے۔ پولیس کا کہنا ہے کہ واقعے کا مقدمہ تاحال درج نہیں کیا گیا۔
دوسری جانب چمن میں قومی شاہراہ کی تعمیر پر مامور مزدوروں کو دستی بم حملے کا نشانہ بنایا گیا۔ پولیس کے مطابق نامعلوم افراد نے رات کے وقت سوئے ہوئے مزدوروں پر دستی بم پھینکا، جس کے نتیجے میں ایک مزدور جاں بحق اور 4 زخمی ہوگئے۔
زخمی مزدوروں کو طبی امداد کے لیے کوئٹہ منتقل کر دیا گیا ہے، جبکہ پولیس نے واقعات کی تحقیقات شروع کر دی ہیں۔
