کراچی سے اغوا 4 سالہ بچی ڈیڑھ ماہ بعد کوئٹہ سے کیسے ملی؟

شہر قائد سے اغوا ہونے والی چار سالہ بچی کو کوئٹہ لے جایا گیا تاہم بچی کو بحفاظت بازیاب کرا لیا گیا۔
رہنما نیوز کے مطابق کراچی کے علاقے ہجرت کالونی سے ڈیڑھ ماہ قبل اغوا ہونے والی ماہرہ بچی کو بحفاظت کوئٹہ سے بازیاب کرا لیا گیا ہے۔
بچی کو 25 اگست کو گھر کے باہر سے کھیلتے ہوئے موٹر سائیکل سوار نے اغوا کی تھا اور اس کی سی سی ٹی وی فوٹیج بھی سامنے آئی تھی۔ ماہرہ کے اغوا کا مقدمہ سول لائن تھانے میں بھی درج تھا۔ تلاش کے باوجود بچی کا سراغ نہیں مل سکا تھا۔
کوئٹہ میں ایک فیملی نے متاثرہ خاندان سے رابطہ کیا، جس کے بعد پتہ چلا کہ بچی کو کوئی نامعلوم شخص حب میں چھوڑ گیا تھا، جہاں وہ کافی دن ایک فیملی کے ساتھ رہی۔
مذکورہ فیملی نے بچی کے والدین سے رابطہ کیا اور انہیں تمام واقعہ سے آگاہ کیا جب کہ وہ بچی کو اپنے ہمراہ کوئٹہ میں شادی کی تقریب میں بھی لے گئے۔
متاثرہ خاندان کا کہنا ہے کہ واقعہ کا علم ہونے کے بعد پولیس کو آگاہ کیا۔ بچی کے والد کا کہنا ہے کہ ان کی بیٹی ابھی کوئٹہ میں ہی ہے، اس کو ایک دو روز میں کراچی لایا جائے گا۔
حب میں کوئی چھوڑ کر چلے گیا تھا کہ وہان سے کوئیٹہ شادی فیملی کے ساتھ کافی دن وہں رہی شادی میں کوئٹہ بچی اس وقت کوئٹہ جیں ایک دو روز میں کراچی منتقل کیا جائے گا۔