پاکستان کے خلاف ٹیسٹ سیریز سے قبل جنوبی افریقا کو دھچکا لگا ہے فاسٹ بولر کوینا مافکا انجری کی وجہ سے دورہ پاکستان سے باہر ہوگئے۔
جنوبی افریقا کے فاسٹ بولر کوینا مافاکا ہیمسٹرنگ انجری کے سبب پاکستان کے وائٹ بال ٹور اور نمیبیا کے خلاف ٹی 20 میچ سے بھی باہر ہوگئے۔
اوٹنیل بارٹ مین کو 11 اکتوبر کو شیڈول نمیبیا کے کلاف ٹی 20 کے لیے مافاکا کے متبادل کے طور پر اسکواڈ میں شامل کیا گیا ہے۔
فاسٹ بولر کو پاکستان کے خلاف تین میچوں کی ٹی 20 سیریز کے لیے بھی اسکواڈ میں شامل کیا گیا ہے۔
علاوہ ازیں لیزاد ولیمز جو پہلے ہی ٹی 20 اسکواڈ کا حصہ تھے انہیں پاکستان کے خلاف ون ڈے اسکواڈ کا حصہ بنایا گیا ہے۔
کوینا مافاکا گزشتہ ہفتے نیولینڈز میں چار روزہ ڈومیسٹک میچ میں لائنز کی نمائندگی کرتے ہوئے انجری کا شکار ہوئے تھے، انہوں نے انجری سے قبل میچ میں 5.5 اوورز کروائے تھے۔
کرکٹ جنوبی افریقا نے تصدیق کی ہے کہ اسکینز اور طبی جائزوں سے پتا چلا ہے کہ ان کی انجری گرید ون سے 2 تک ہے اور وہ اگلے چار ہفتوں تک بحال سے گزریں گے۔
پاکستان اور جنوبی افریقا کے درمیان پہلا ٹیسٹ میچ 12 سے 16 اکتوبر تک کھیلا جائے گا جبکہ 28 اکتوبر سے تین ٹی 20 میچز شروع ہوں گے اس کے بعد دونوں ٹیمیں تین ون ڈے میچوں کی سیریز کھیلیں گی
