لندن (11 ستمبر 2025): دوحہ حملے کے بعد اسرائیلی صدر آئزک ہرزوگ نے فلسطینی مزاحمتی تنظیم حماس کے ساتھ معاہدے پر آمادگی ظاہر کر دی۔
قطری نشریاتی ادارے الجزیرہ کی رپورٹ کے مطابق لندن میں چیتھم ہاؤس تھنک ٹینک میں خطاب کرتے ہوئے اسرائیلی صدر آئزک ہرزوگ نے کہا کہ اسرائیل ایک مکمل معاہدے، جنگ کے خاتمے، یرغمالیوں کی رہائی اور آگے بڑھنے کیلیے تیار ہے۔
آئزک ہرزوگ نے ایک صحافی کے سوال کے جواب میں کہا کہ یہ وہی ہے جو اسرائیل کرنے کیلیے تیار ہے۔
انہوں نے کہا کہ ہم انتظار کر رہے ہیں اور بس انتظار ہی کر رہے ہیں، ہم ہر وقت دیکھتے ہیں کہ حماس کس طرح تجاویز کو قبل کرتی ہے۔
دوحہ حملے پر تنقید مسترد، اسرائیل کی پھر سے حماس قیادت کو نشانہ بنانے کی دھمکی
اسرائیلی صدر کے تبصرے قطری دارالحکومت دوحہ میں حماس کی سیاسی قیادت پر فضائی حملے کے ایک دن بعد سامنے آیا جس کی عالمی برادری کی جانب سے شدید مذمت کی جا رہی ہے۔
آئزک ہرزوگ نے بدھ کے روز برطانوی وزیر اعظم کیئر اسٹارمر کے ساتھ غزہ پر اسرائیل کی جنگ ختم کرنے کے حوالے سے سخت بات چیت کی تھی۔
