اسرائیل کیلئے لابنگ کرنے والے چارلی کِرک کو گردن پر گولی مار کر قتل کر دیا گیا.
امریکہ میں قدامت پسند سیاسی کارکن اور “ٹرننگ پوائنٹ یو ایس اے” کے بانی چارلی کرک یوتا وادی یونیورسٹی میں فائرنگ کے واقعے کے نتیجے میں جان کی بازی ہار گئے۔ اطلاعات کے مطابق ایک تقریب کے دوران نامعلوم شخص نے ان پر فائرنگ کی جس سے وہ شدید زخمی ہوئے، بعد ازاں اسپتال میں دم توڑ گئے۔
فائرنگ کے بعد پولیس نے حملہ آور کو گرفتار کر لیا ہے، جبکہ یونیورسٹی کیمپس کو بند کر دیا گیا اور طلبہ کو فوری طور پر محفوظ مقامات پر جانے کی ہدایت دی گئی۔ ایف بی آئی اور اے ٹی ایف نے تحقیقات شروع کر دی ہیں۔
چارلی کرک قدامت پسند سیاست میں ایک نمایاں مقام رکھتے تھے اور نوجوانوں کو ریپبلکن پارٹی کی طرف راغب کرنے کی کوششوں کے باعث شہرت حاصل کی تھی۔ ان کی اچانک موت امریکی سیاسی حلقوں میں ہلچل کا باعث بنی ہے۔
چارلی کرک کا قتل امریکہ میں سیاسی اختلافات کے خطرناک رخ کی نشاندہی کرتا ہے۔ یہ واقعہ نہ صرف قدامت پسند تحریک کے لیے ایک بڑا دھچکا ہے بلکہ امریکی معاشرے میں بڑھتے ہوئے عدم برداشت اور تشدد کی سنگین علامت بھی ہے۔ اگر اس رویے پر قابو نہ پایا گیا تو امریکہ میں جمہوری اقدار مزید خطرے میں پڑ سکتی ہیں
