ایران اور امریکا کے درمیان مذاکرات کی منسوخی سے متعلق تمام قیاس آرائیاں ختم ہو گئیں، دونوں ممالک نے طے شدہ شیڈول کے مطابق بات چیت کی تصدیق کر دی ہے۔
ایرانی وزیر خارجہ عباس عراقچی نے سوشل میڈیا بیان میں کہا کہ جوہری مذاکرات جمعے کو صبح 10 بجے مسقط میں ہوں گے اور اس سلسلے میں میزبانی پر عمان کا شکریہ ادا کیا۔ ادھر دو سینئر امریکی حکام نے بھی مذاکرات کی تصدیق کی، جبکہ اس سے قبل یہ بات چیت ترکیے کے شہر استنبول میں شیڈول تھی جسے بعد ازاں عمان منتقل کر دیا گیا۔
