پاکستان نے اقوام متحدہ سلامتی کونسل سے کالعدم بلوچ لبریشن آرمی کو پابندیوں کی فہرست میں شامل کرنے کی زیرِ غور درخواست منظور کرنے کا مطالبہ کر دیا ہے۔
سلامتی کونسل کے اجلاس میں خطاب کرتے ہوئے پاکستان کے مستقل مندوب عاصم افتخار احمد نے کہا کہ دہشت گرد گروہ عالمی امن کے لیے سنگین خطرہ بن چکے ہیں اور کابل میں طالبان کے اقتدار کے بعد بیرونی سرپرستی اور غیر ملکی معاونت سے چلنے والے پراکسی نیٹ ورکس، بشمول ٹی ٹی پی اور بی ایل اے، دوبارہ متحرک ہو گئے ہیں، جن کے خلاف عالمی سطح پر مؤثر کارروائی ناگزیر ہے۔
