معروف عالمی تھنک ٹینک انسٹیٹیوٹ فار اکنامکس اینڈ پیس نے اپنی سالانہ گلوبل پیس انڈیکس رپورٹ جاری کر دی ہے، جس کے مطابق افغانستان ایک بار پھر دنیا کے غیر محفوظ ترین ممالک میں شامل ہو گیا ہے اور ملک میں امن و امان کی صورتحال مسلسل بگڑتی جا رہی ہے۔
رپورٹ کے مطابق افغان طالبان کے زیرِ اقتدار افغانستان عالمی امن اشاریے میں شامل 163 ممالک میں سے 158ویں نمبر پر آ گیا ہے۔ یہ درجہ بندی افغانستان میں جاری سیکیورٹی چیلنجز اور عدم استحکام کی عکاسی کرتی ہے۔
گزشتہ سال کے مقابلے میں افغانستان میں امن کی مجموعی صورتحال میں مزید 0.28 فیصد تنزلی ریکارڈ کی گئی ہے، جو ایک سنگین سیکیورٹی بحران کی نشاندہی کرتی ہے۔
