پاکستانی خلا بازوں نے چاند پر چہل قدمی کی تیاری کر لی ہے، جو پاکستان اور چین کے باہمی تعاون سے بہت جلد عملی شکل اختیار کرے گی
پاکستان اسپیس اینڈ اپر ایٹموسفیئر کمیشن کے مطابق سال 2026 میں پاکستان کا پہلا خلاباز چین کے خلائی اسٹیشن پر بھیجا جائے گا، جو ملکی خلائی تاریخ کا اہم سنگِ میل ہوگا۔اس حوالے سے ڈائریکٹر سپارکو شفقت علی نے کہا ہے کہ خلائی تحقیق میں تاریخی پیش رفت کے طور پر پاکستان نے 2026 میں چاند تک پہنچنے کا ہدف مقرر کر رکھا ہے۔ان کا کہنا تھا کہ چین کے تعاون سے پاکستان اس بڑے اور تاریخی مقصد کے حصول کے لیے مکمل طور پر تیار ہے، جو سائنسی ترقی کی نئی راہیں کھولے گا۔
ڈپٹی چیف منیجر سپارکو شہنیلا طارق نے بتایا کہ اس سلسلے میں چائنیز اسپیس ایجنسی کے ساتھ ایک ایم او یو سائن ہوا ہے۔
انہوں نے کہا کہ اس ایم او یو کے تحت سال 2026 میں چائینیز اسپیس اسٹیشن پر کچھ تجربات کیلیے پاکستانی خلاباز پہنچیں گے۔
