نئے سال کے موقع پر پٹرولیم مصنوعات کی قیمتوں میں فی لیٹر 10 روپے 60 پیسے تک کمی کا امکان ظاہر کیا جا رہا ہے۔ پٹرولیم مصنوعات کی قیمتوں سے متعلق ابتدائی ورکنگ پیپرز تیار کر لیے گئے ہیں۔
ذرائع وزارتِ خزانہ کے مطابق یکم جنوری سے پٹرول کی قیمت میں 10 روپے 60 پیسے فی لیٹر کمی کی تجویز ہے، جبکہ ہائی اسپیڈ ڈیزل کی قیمت میں 8 روپے 59 پیسے فی لیٹر کمی کا امکان ہےاسی طرح مٹی کے تیل کی قیمت میں 9 روپے فی لیٹر اور لائٹ ڈیزل کی قیمت میں 6 روپے 62 پیسے فی لیٹر کمی کی تجویز سامنے آئی ہے۔ حتمی فیصلہ وزیراعظم کی منظوری کے بعد کیا جائے گا۔
اوگراکل ورکنگ پیپرحکومت کوبھجوائےگی،حکومت ریونیوضروریات مدنظررکھتےہوئےفیصلہ کرےگی،وزارت خزانہ وزیراعظم کی منظوری کےبعدفیصلہ کرےگی،حتمی نوٹیفکیشن وزارت پٹرولیم سے جاری کیاجائے گا، حکومت نے لیوی یا ٹیکسز عائد نہ کیے تو نئےسال پر عوام کو ریلیف ملےگا۔
